(ਸਮਾਜ ਵੀਕਲੀ)
ਰੰਗਲਾ ਪੰਜਾਬ ਹੁਣ ਕਿਥੇ ਰਹਿ ਗਿਆ।
ਫੁੱਲ ਸੀ ਗੁਲਾਬ ਦਾ ਕੋਈ ਪੁੱਟ ਲੈ ਗਿਆ।
ਕਿੱਥੇ ਗਈਆਂ ਹੁਣ ਚਾਟੀਆਂ ਮਧਾਣੀਆਂ ,
ਪਹਿਲਾਂ ਜਿਹੀਆਂ ਹੁਣ ਕਿੱਥੇ ਨੇ ਸੁਆਣੀਆਂ ,
ਖਿੱਚ ਕੇ ਕਨੇਡਾ ਏ ਜੁਆਨੀ ਲੈ ਗਿਆ।
ਰੰਗਲਾ ਪੰਜਾਬ ਹੁਣ ਕਿਥੇ ਰਹਿ ਗਿਆ।
ਲੱਭਦੀ ਨਾ ਹੁਣ ਕਿਤੇ ਬੋਹੜ ਵਾਲੀ ਛਾਂ ,
ਮੰਮੀ -ਡੈਡੀ ਬਣ ਗਏ ਹੁਣ ਬਾਪੂ ਅਤੇ ਮਾਂ ,
ਘਰ ਕੱਚੇ -ਮਨ ਸੱਚੇ ,ਕੋਈ ਸੱਚ ਕਹਿ ਗਿਆ।
ਰੰਗਲਾ ਪੰਜਾਬ ਹੁਣ ਕਿਥੇ ਰਹਿ ਗਿਆ।
ਭਾਈਆਂ ਜਿਹੀਆਂ ਬਾਹਵਾਂ ,ਹੁਣ ਹੋਈਆਂ ਨੇ ਸ਼ਰੀਕ ,
ਭੁਗਤਣ ਕਚਹਿਰੀਆਂ ,ਤਰੀਕ ਤੇ ਤਰੀਕ ,
ਤਾਰ-ਤਾਰ ਹੋ ਕੇ ਭਾਈਚਾਰਾ ਰਿਹਾ ਗਿਆ।
ਰੰਗਲਾ ਪੰਜਾਬ ਹੁਣ ਕਿਥੇ ਰਹਿ ਗਿਆ।
ਕੁੱਛ ਨਸ਼ਿਆਂ ਨੇ ਪੱਟੇ ,ਕੁੱਛ ਲਾਰਿਆਂ ਨੇ ਪੱਟੇ ,
ਲੀਡਰਾਂ ਨੇ ਵੀ ਪਾਏ ,ਇਹਦੀ ਬੇੜੀਆਂ ” ਚ ਵੱਟੇ ,
ਲੋਕ ਸੇਵਕ ਹੀ ਬਣ ਕੇ ਵਪਾਰੀ ਬਹਿ ਗਿਆ।
ਰੰਗਲਾ ਪੰਜਾਬ ਹੁਣ ਕਿਥੇ ਰਹਿ ਗਿਆ।
……ਤਰਸੇਮ ਸਹਿਗਲ
93578-96207
