7 ਸਾਲ 3 ਮਹੀਨੇ ‘ਤੇ 4 ਦਿਨਾਂ ਬਾਅਦ ਮਿਲਿਆ ਨਿਰਭਿਆ ਨੂੰ ਇਨਸਾਫ, ਚਾਰੇ ਦੋਸੀਆਂ ਨੂੰ ਦਿੱਤੀ ਗਈ ਫਾਂਸੀ

ਨਵੀਂ ਦਿੱਲੀ (ਹਰਜਿੰਦਰ ਛਾਬੜਾ)  7 ਸਾਲ, 3 ਮਹੀਨੇ ਅਤੇ 4 ਦਿਨਾਂ ਬਾਅਦ ਸਵੇਰੇ ਨਿਰਭਿਆ ਨੂੰ ਇਨਸਾਫ ਮਿਲਿਆ ਹੈ। ਨਿਰਭਿਆ ਕੇਸ ਦੇ ਸਾਰੇ ਦੋਸੀਆਂ ਨੂੰ ਸ਼ੁੱਕਰਵਾਰ ਸਵੇਰੇ ਕਰੀਬ 5.30 ਵਜੇ ਤਿਹਾੜ ਜੇਲ੍ਹ ਵਿੱਚ ਇਕੱਠੇ ਫਾਂਸੀ ਦਿੱਤੀ ਗਈ ਹੈ। ਨਿਰਭਿਆ ਨਾਲ 16 ਦਸੰਬਰ 2012 ਦੀ ਰਾਤ ਨੂੰ 6 ਕਰੀਬ ਵਿਅਕਤੀਆਂ ਨੇ ਬਲਾਤਕਾਰ ਕੀਤਾ ਸੀ। ਇੱਕ ਦੋਸੀ ਨੇ ਜੇਲ੍ਹ ਵਿੱਚ ਖ਼ੁਦਕੁਸ਼ੀ ਕਰ ਲਈ ਸੀ, ਦੂਜਾ ਦੋਸੀ ਨਾਬਾਲਗ ਸੀ, ਇਸ ਲਈ ਤਿੰਨ ਸਾਲਾਂ ਬਾਅਦ ਨਾਬਾਲਗ ਨੂੰ ਬਰੀ ਕਰ ਦਿੱਤਾ ਗਿਆ ਸੀ। ਬਾਕੀ ਚਾਰ- ਮੁਕੇਸ਼ (32 ਸਾਲ), ਅਕਸ਼ੇ (31 ਸਾਲ), ਵਿਨੈ (26 ਸਾਲ) ਅਤੇ ਪਵਨ (25 ਸਾਲ) ਆਪਣੀ ਮੌਤ ਤੋਂ 2 ਘੰਟੇ ਪਹਿਲਾਂ ਤੱਕ ਕਾਨੂੰਨ ਦੇ ਅੱਗੇ ਅਪੀਲ ਕਰਦੇ ਰਹੇ। ਪਰ ਅੰਤ ਵਿੱਚ, ਇਹ ਨਿਰਭਿਆ ਦੀ ਜਿੱਤ ਸੀ।

ਹੇਠਲੀ ਅਦਾਲਤ ਨੇ ਸਾਰੇ ਦੋਸ਼ੀਆਂ ਨੂੰ 9 ਮਹੀਨਿਆਂ ਦੇ ਅੰਦਰ ਹੀ ਮੌਤ ਦੀ ਸਜ਼ਾ ਸੁਣਾਈ ਸੀ। ਮੌਤ ਦੀ ਸਜ਼ਾ ਨੂੰ ਬਰਕਰਾਰ ਰੱਖਣ ਲਈ ਦਿੱਲੀ ਹਾਈ ਕੋਰਟ ਨੂੰ ਸਿਰਫ 6 ਮਹੀਨੇ ਲੱਗੇ ਸਨ। ਮਈ 2017 ਵਿੱਚ 2 ਸਾਲ 2 ਮਹੀਨਿਆਂ ਬਾਅਦ ਸੁਪਰੀਮ ਕੋਰਟ ਨੇ ਇਹ ਵੀ ਕਿਹਾ ਕਿ ਫਾਂਸੀ ਦੀ ਸਜ਼ਾ ਮਿਲੇਗੀ। ਫਿਰ 2 ਸਾਲ 10 ਮਹੀਨੇ ਬੀਤ ਗਏ। ਮੌਤ ਦੇ ਵਾਰੰਟ 4 ਵਾਰ ਜਾਰੀ ਕੀਤੇ ਗਏ।  ਆਖਰੀ ਦਿਨ ਸ਼ੁੱਕਰਵਾਰ ਨੂੰ ਫਾਂਸੀ ਦੇ ਲਈ ਪੱਕਾ ਕਰ ਦਿੱਤਾ ਗਿਆ ਸੀ। ਇਸ ਤੋਂ ਪਹਿਲਾਂ, ਦੋਸੀਆਂ ਨੇ 15 ਘੰਟਿਆਂ ਵਿੱਚ 6 ਅਰਜ਼ੀਆਂ ਦਿੱਤੀਆਂ ਸਨ। ਹਾਈ ਕੋਰਟ ਤੋਂ ਸੁਪਰੀਮ ਕੋਰਟ ਤੱਕ ਸੁਣਵਾਈ ਸ਼ੁੱਕਰਵਾਰ ਸਵੇਰੇ 3:30 ਵਜੇ ਤੱਕ ਜਾਰੀ ਰਹੀ। ਪਰ ਸਾਰੀਆਂ ਅਰਜ਼ੀਆਂ ਰੱਦ ਕਰ ਦਿੱਤੀਆਂ ਗਈਆਂ।

ਤਿਹਾੜ ਜੇਲ੍ਹ ਵਿੱਚ ਫਾਂਸੀ ਦੀ ਅੰਤਮ ਤਿਆਰੀ ਸਵੇਰੇ 5 ਵਜੇ ਸ਼ੁਰੂ ਹੋਈ। ਦੋਸੀਆਂ ਨੂੰ ਫਾਂਸੀ ਦੇ ਸਥਾਨ ‘ਤੇ ਲਿਜਾਇਆ ਗਿਆ। ਚਾਰਾ ਦੇ ਹੱਥ-ਪੈਰ ਬੰਨ੍ਹੇ ਹੋਏ ਸਨ। ਇਸ ਤੋਂ ਬਾਅਦ ਦੋਸ਼ੀ ਰੋਣ ਲੱਗ ਪਏ। ਇਸ ਤੋਂ ਬਾਅਦ ਸਾਰੇ ਦੋਸ਼ੀਆਂ ਦੇ ਮੂੰਹ ਤੇ ਨਕਾਬ ਪਾਏ ਗਏ ਅਤੇ ਰੱਸਾ ਕੱਸਿਆ ਗਿਆ। ਠੀਕ 5.30 ਵਜੇ, ਫਾਂਸੀ ਦੇਣ ਵਾਲੇ ਪਵਨ ਨੇ ਲੀਵਰ ਨੂੰ ਖਿੱਚ ਦਿੱਤਾ ਅਤੇ ਜਿਵੇਂ ਦੇਸ਼ ਨੂੰ ਇਨਸਾਫ ਮਿਲਿਆ ਹੋਵੇ। ਸਿਰਫ 7 ਮਿੰਟ ਬਾਅਦ ਹੀ ਜੇਲ ਅਧਿਕਾਰੀ ਨੇ ਚਾਰਾ ਦੋਸੀਆਂ ਦੀ ਮੌਤ ਦੀ ਪੁਸ਼ਟੀ ਕਰ ਦਿੱਤੀ। ਇਸ ਤੋਂ 30 ਮਿੰਟ ਬਾਅਦ ਡਾਕਟਰਾਂ ਨੇ ਸਾਰਿਆਂ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ।

ਕਾਤਲਾਂ ਨੂੰ ਫਾਂਸੀ ਦੇਣ ਤੋਂ ਬਾਅਦ ਨਿਰਭਿਆ ਦੀ ਮਾਂ ਆਸ਼ਾ ਦੇਵੀ ਨੇ ਧੀ ਦੀ ਤਸਵੀਰ ਨੂੰ ਜੱਫੀ ਪਾਉਂਦਿਆਂ ਕਿਹਾ – ਅੱਜ ਤੈਨੂੰ ਇਨਸਾਫ ਮਿਲਿਆ ਹੈ। ਅੱਜ ਦਾ ਸੂਰਜ ਧੀ ਨਿਰਭਿਆ ਦੇ ਨਾਮ ਹੈ, ਦੇਸ਼ ਦੀਆਂ ਧੀਆਂ ਦੇ ਨਾਮ ਹੈ। ਜੇ ਧੀ ਜੀਉਂਦੀ ਹੁੰਦੀ, ਤਾਂ ਮੈਨੂੰ ਡਾਕਟਰ ਦੀ ਮਾਂ ਕਿਹਾ ਜਾਂਦਾ। ਅੱਜ ਮੈਂਨੂ ਨਿਰਭਿਆ ਦੀ ਮਾਂ ਵਜੋਂ ਜਾਣਿਆ ਜਾਂਦਾ ਹੈ। 7 ਸਾਲਾਂ ਦੀ ਲੰਮੀ ਲੜਾਈ ਤੋਂ ਬਾਅਦ, ਹੁਣ ਧੀ ਦੀ ਆਤਮਾ ਨੂੰ ਸ਼ਾਂਤੀ ਮਿਲੇਗੀ। ਹੁਣ ਔਰਤਾਂ ਸੁਰੱਖਿਅਤ ਮਹਿਸੂਸ ਕਰਨਗੀਆਂ। ਅਸੀਂ ਸੁਪਰੀਮ ਕੋਰਟ ਨੂੰ ਦਿਸ਼ਾ ਨਿਰਦੇਸ਼ ਜਾਰੀ ਕਰਨ ਦੀ ਬੇਨਤੀ ਕਰਾਂਗੇ ਤਾਂ ਜੋ ਅਜਿਹੇ ਮਾਮਲਿਆਂ ਵਿੱਚ ਦੋਸ਼ੀ ਸਜ਼ਾ ਤੋਂ ਬਚਣ ਦੀ ਕੋਸ਼ਿਸ਼ ਨਾ ਕਰ ਸਕਣ।