(ਸਮਾਜ ਵੀਕਲੀ)
ਹੁੰਦੇ ਨੇ ਸਾਰੇ ਨਸ਼ੇ ਹੀ ਯਾਰੋ ਮਾੜੇ,
ਇਹ ਪਾ ਦਿੰਦੇ ਨੇ ਵਸਦੇ ਘਰਾਂ ‘ਚ ਉਜਾੜੇ।
ਕੋਰੋਨਾ ਨੇ ਡਰਾਏ ਹੋਏ ਆ ਸਾਰੇ,
ਲੱਗਣੇ ਨਾ ਅਜੇ ਇੱਥੇ ਗਾਇਕਾਂ ਦੇ ਅਖਾੜੇ।
ਇਸ ਕੋਰੋਨਾ ਨੇ ਪਤਾ ਨਹੀਂ ਕਦ ਹੈ ਜਾਣਾ,
ਪਰ ਵੱਧ ਗਏ ਨੇ ਇੱਥੇ ਬੱਸਾਂ ਦੇ ਭਾੜੇ।
ਕੋਈ ਵੀ ਇਹਨਾਂ ਨਾਲ ਨਾ ਕਰੇ ਦੁੱਖ, ਸੁੱਖ,
ਹਰ ਘਰ ਵਿੱਚ ਪਾਂਦੇ ਨੇ ਚੁਗਲਖੋਰ ਪੁਆੜੇ।
ਮੰਦਰ ਵਿੱਚ ਪਹੁੰਚ ਕੇ ਬੁੱਤ ਰੱਬ ਬਣ ਜਾਂਦੇ ਨੇ,
ਪਰ ਰੋਟੀ ਲਈ ਤਰਸਣ ਬੁੱਤਾਂ ਦੇ ਘਾੜੇ।
ਇਸ ਦੇ ਬਿਨਾਂ ਵੀ ਸਰਦਾ ਨਹੀਂ ਹੈ ਬੰਦੇ ਦਾ,
ਚਾਹੇ ਹਰ ਥਾਂ ਪਾਏ ਨੇ ਧਨ ਨੇ ਪੁਆੜੇ।
ਦੇਵਾਂਗੇ ਸਜ਼ਾ ਉਹਨਾਂ ਨੂੰ ਸੱਭ ਦੇ ਸਾਮ੍ਹਣੇ,
ਸਾਡੇ ਢਾਰੇ ਯਾਰੋ ਜਿਹਨਾਂ ਨੇ ਸਾੜੇ।
