ਬਠਿੰਡਾ (ਸਮਾਜਵੀਕਲੀ) : ਪੱਲੇਦਾਰ ਸੰਗਠਨਾਂ ਨੇ ਪੰਜਾਬ ਸਰਕਾਰ ਦੀ ਨਵੀਂ ਟੈਂਡਰ ਨੀਤੀ ਦੇ ਵਿਰੋਧ ’ਚ ਅੱਜ ਸ਼ਹਿਰ ’ਚ ਰੋਸ ਮਾਰਚ ਕਰਦਿਆਂ ਮਿਨੀ ਸਕੱਤਰੇਤ ਨੇੜੇ ਰੋਸ ਧਰਨਾ ਦਿੱਤਾ। ਇਥੇ ਉਨ੍ਹਾਂ ਤਹਿਸੀਲਦਾਰ ਨੂੰ ਮੰਗ ਪੱਤਰ ਸੌਂਪਿਆ। ਵਿਖਾਵੇ ’ਚ ਸ਼ਾਮਿਲ ਪੰਜਾਬ ਪ੍ਰਦੇਸ਼ ਪੱਲੇਦਾਰ ਮਜ਼ਦੂਰ ਯੂਨੀਅਨ ਦੇ ਆਗੂਆਂ ਸ਼ਿਵ ਲਾਲ, ਕੁਲਦੀਪ ਸਿੰਘ, ਬਲਦੇਵ ਸਿੰਘ, ਗੁਰਦੀਪ ਸਿੰਘ ਅਤੇ ਐਫਸੀਆਈ ਪੱਲੇਦਾਰ ਯੂਨੀਅਨ ਦੇ ਕਾਕਾ ਸਿੰਘ ਨੇ ਆਖਿਆ ਕਿ ਰਾਜ ਸਰਕਾਰ ਵੱਲੋਂ 2020-21 ਦੀ ਲੋਡਿੰਗ/ਅਣਲੋਡਿੰਗ ਦੀ ਬਣਾਈ ਪਾਲਿਸੀ ਮਜ਼ਦੂਰ ਵਿਰੋਧੀ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਪਹਿਲੀ ਨੀਤੀ ਬਹਾਲ ਰੱਖੀ ਜਾਵੇ।
