ਛੱਤੀਸਗੜ੍ਹ: ਸੁਰੱਖਿਆ ਬਲਾਂ ਨਾਲ ਮੁਕਾਬਲੇ ’ਚ ਤਿੰਨ ਨਕਸਲੀ ਹਲਾਕ

ਰਾਏਪੁਰ (ਸਮਾਜ ਵੀਕਲੀ) : ਛੱਤੀਸਗੜ੍ਹ ਦੇ ਨਕਸਲ ਪ੍ਰਭਾਵਿਤ ਜ਼ਿਲ੍ਹੇ ਕਾਂਕੇਰ ’ਚ ਸੁਰੱਖਿਆ ਬਲਾਂ ਨੇ ਮੁਕਾਬਲੇ ’ਚ ਇੱਕ ਮਹਿਲਾ ਨਕਸਲੀ ਸਣੇ ਤਿੰਨ ਨਕਸਲੀਆਂ ਨੂੰ ਹਲਾਕ ਕਰ ਦਿੱਤਾ। ਇਸ ਦੌਰਾਨ ਹਥਿਆਰਬੰਦ ਸੁਰੱਖਿਆ ਬਲ (ਏਐੇੱਸਐੱਫ) ਦਾ ਇੱਕ ਜਵਾਨ ਵੀ ਜ਼ਖ਼ਮੀ ਹੋ ਗਿਆ। ਬਸਤਰ ਇਲਾਕੇ ਦੇ ਆਈਜੀ ਸੁੰਦਰਰਾਜ ਨੇ ਅੱਜ ਦੱਸਿਆ ਉਕਤ ਮੁਕਾਬਲਾ ਜ਼ਿਲ੍ਹੇ ਦੇ ਤਾੜੋਕੀ ਥਾਣਾ ਖੇਤਰ ਦੇ ਪਾਦਕੇਲਬੇੜਾ ਅਤੇ ਕੋਸਰੰਡਾ ਪਿੰਡਾਂ ਵਿਚਾਲੇ ਹੋਇਆ।

ਉਨ੍ਹਾਂ ਦੱਸਿਆ ਕਿ ਮਾਰੇ ਗਏ ਨਕਸਲੀਆਂ ਦੇ ਸਿਰ 18 ਲੱਖ ਰੁਪਏ ਦਾ ਇਨਾਮ ਹੈ। ਘਟਨਾ ਸਥਾਨ ਤੋਂ ਅਸਲਾ ਵੀ ਬਰਾਮਦ ਹੋਇਆ ਹੈ। ਇਸੇ ਦੌਰਾਨ ਸੂਬੇ ਦੇ ਜ਼ਿਲ੍ਹੇ ਦਾਂਤੇਵਾੜਾ ’ਚ ਇੱਕ ਮਹਿਲਾ ਨਕਸਲੀ ਸਣੇ 5 ਨਕਸਲੀਆਂ ਨੇ ਆਤਮਸਮਰਪਣ ਵੀ ਕੀਤਾ ਹੈ। ਐੱਸਪੀ ਅਭਿਸ਼ੇਕ ਪੱਲਵਾ ਨੇ ਦੱਸਿਆ ਕਿ ਉਕਤ ਨਕਸਲੀਆਂ ਨੇ ‘ਲੋਨ ਵਰੱਤੂ’ ਨਾਂ ਦੀ ਆਤਮਸਮਰਪਣ-ਕਮ-ਮੁੜ ਵਸੇਬਾ ਮੁਹਿੰਮ ਤੋਂ ਪ੍ਰੇਰਿਤ ਹੋ ਕੇ ਆਤਮਸਮਰਪਣ ਕੀਤਾ ਹੈ।

Previous articleJanet Yellen is Biden’s pick for US Treasury Secy, another glass ceiling is shattered
Next articleਕਰੋਨਾ: ਅਮਿਤ ਸ਼ਾਹ ਵੱਲੋਂ ਦਿੱਲੀ ’ਚ ਆਰਟੀ-ਪੀਸੀਆਰ ਟੈਸਟ ਮੋਬਾਈਲ ਲੈਬ ਲਾਂਚ