ਇੱਕੋ ਹੈ / ਗ਼ਜ਼ਲ

ਇੱਕੋ ਹੈ ਭਗਵਾਨ ਤੇ ਅੱਲਾ,
ਫੜ ਲੈ ਆਪਣੇ ਮਨ ਦਾ ਪੱਲਾ।

ਤੇਰੇ ਨਾਲ ਕਿਸੇ ਨ੍ਹੀ ਜਾਣਾ,
ਜਿਸ ਦਾ ਮਰਜ਼ੀ ਫੜ ਲੈ ਪੱਲਾ।

ਬੱਚਿਆਂ ਨੇ ਕਦੇ ਖੁਸ਼ ਨ੍ਹੀ ਹੋਣਾ,
ਜਿੰਨਾ ਮਰਜ਼ੀ ਭਰ ਲੈ ਗੱਲਾ।

ਹਿੰਮਤ ਦਾ ਤੂੰ ਲੜ ਨਾ ਛੱਡੀਂ,
ਜੇ ਦੁੱਖਾਂ ਨੇ ਬੋਲਿਆ ਹੱਲਾ।

ਲੂਣ ਨਾ ਛਿੜਕਾਈਂ ਭੁੱਲ ਕੇ ਵੀ,
ਜ਼ਖ਼ਮ ਕਿਸੇ ਦਾ ਦੇਖ ਕੇ ਅੱਲਾ।

ਲੋਪ ਪਲਾਂ ਵਿੱਚ ਇਹ ਹੋ ਜਾਏ,
ਮਾਇਆ ਦੇਖ ਕੇ ਹੋ ਨਾ ਝੱਲਾ।

ਕੱਲਾ ਜਾਣ ਤੇ ਅੱਖ ਭਰੀਂ ਨਾ,
ਜੱਗ ਤੇ ਤੂੰ ਆਇਆ ਸੀ ਕੱਲਾ।

-ਮਹਿੰਦਰ ਸਿੰਘ ਮਾਨ
ਪਿੰਡ ਤੇ ਡਾਕ ਰੱਕੜਾਂ ਢਾਹਾ
(ਸ਼.ਭ.ਸ.ਨਗਰ) +91 99158 03554